SL

Wala ako sa mood. Hindi maganda ang pakiramdam ko ngayon, kaya tama na muna ang pagka-emo at tinatamad akong mag ingles. Ha-ha. Ibabaon ko muna sa lupa. Hongkorni. Dahil nawala ang drive ko mag trabaho ‘nung Martes kasi pinapasok ako kahit na on-leave ako. Bwisit lang! . Sana lang walang makabasa nito sa office, kundi lagot ako.

Kaya SL – Sex Leave Sick Leave ako kinabukasan. Kapag nag file ka ng SL for more than one day kailangan with Medical Certificate. Ganyan ang patakaran sa kumpanyang pinapasukan ko ‘ewan ko lang iba’. So, nagtungo ako ng hospital para magpa konsulta. Salamat sa Medical Card ng kumpanya dahil libre lahat wala akong gagastusin. Kapag may masama o may nararamdaman akong kakaiba na ‘di maganda, eh diretso ako agad sa  hospital o clinic na covered ng card para masulit ang benipisyo.

Xray Room kung saan nag sayang ng 8films sa akin =)

Ang diagnosis sa akin ni Doc ay Tension Headache, sabi ko kasi madalas sumakit ang ulo ko kapag concentrated akong nakaharap sa computer. Nireklamo ko na rin ang pananakit ng leeg ko ‘di ko kasi maigalaw ng maayos, Stiff neck kumbaga. Sabi nya Cervical Muscle Spasm at kailangan i-xray. Deretso ako sa Radiology… walong beses akong na-Xray ang tatlo dun eh pina-nganga ako. Kaya tatlong beses inulit, ibuka ko daw ng malaki. Ang pinag-tataka ko lang ang alam ko stiff neck na endorse na magpa- Xray.

Nagutom ako sa tagal ng proseso sa hospital lalo na pila sa Xray room kaya tsumibog muna ako ng lugaw w/egg at tokwa sa may kanto at kinain ko din ang dala kong biscocho na bigaw ni [insert blogger name here]. Muntikan ko pang mag 123 sa kinain ko. Nakalimutan ko magbayad. 

di masarap ang tokwa nila pramis.

Flashback. Naalala ko tuloy noong hayskul pa ako, bumibili ako ng kwik-kwik sa tapat ng school. Nakalimutan ko mag bayad bigla akong tumawid, namuntik na ako masagasaan ng dyip! Sabi ng tindera, hayan ambilis ng karma!. Makakalimutin talaga ako noon pag dating sa bayaran… tsk tsk. Pag pauwi ako from work nakakatulog ako sa bus at hindi na nakapagbayad ng pamasahe. Naiba na ang topic : D

In Short, ‘di ako papasok hanggang Friday I need some rest yan ang advised ni Doc.