Celebration

Sa unang pagkakataon ako ay magdiriwang ng aking anibersaryo at emo-emohan.

Biruin nyo, naka-Dalawang Taon na pala aking tahanan dito sa mundo ng blogosperyo.

Na minsan ko na din iniwan ng anim na buwan, lumipat sa bagong tahanan at muling nagbalik na kung saan ako dito nagsimula. 
Parang buhay pag-ibig, minsan handa mong isakripisyo ang isang bagay para sa minamahal mo' na sa bandang huli ay malalaman mo sa maling tao mo pala ito naibigay. 


Sabi nga ni Roanne sa bagong post nya, Ganun talaga ang buhay' Kumplikado! At dahil dyan naisipan ko din gumawa ng Dream Board gaya-gaya lang kay Chingoy -- sa blogpost nya na yan ay madami pala akong pangarap na na-isantabi muna kaya gagawa din ako ng dream board ko para mapa-alala sa akin ang mga gusto ko mangyari sa aking buhay.


Sa loob ng Dalawang Taon ng aking paninirahan sa mundong punong-puno ng kamunduhan magagandang salita na nagbibigay inspirasyon sa bawat mambabasa; at pumukaw sa ating damdamin, madami na din ang nangyari na bahagyang naka-pagpabago sa takbo ng aking buhay; nagkaroon ng pag-ibig, nabigo at muling nagmahal.

Noong nagsisimula pa ako, Akala ko hanggang sa mundo lang ito kayo pwede magkakilala. Hindi ko akalain na posible pala ang magkaroon ka ng kaibigan dito sa blogosperyo. Kaya ako ay nagpapasalamat sa mga Blogger na aking nakilala at naging kaibigan sina Jepoy, Glentot, Yj, Nyl, Victor, Chingoy, Andy, Gillboard, Pusang-Kalye, Shattershards at sa mga hindi ko pa nakikita ng personal na sina Raft3r na pinaka masipag mag-iwan ng komento, Roanne, The Scud, Fiel-kun, Bulakbolero magpakita na kayo! Haha Pasensya na sa mga nakalimutan ko. Haha

Muli akong nagpapasalamat sa lahat na naging bahagi ng Dalawang Taon ko sa mundong ito.

Inuman na!